مقلوب تونسي دياري

Name: مقلوب تونسي دياري｜أمة اللهさんの料理レシピ
Ingredients: 10

レシピ

材料・調味料 (4 人分)

عجينة 10دق، اسكالوب، شومبينيون، طماطم فلفل وبطاطا وبصل، جبن تشادر وموتزاريلا

الفارينة: نص كيلو

مايوناز

سوص طماطم كعب

作り方

0: •طريقة العجينة 10دق بالكرام فراش:

كاس فارينة
كاس حليب دافي أو أكثر حسب نوعية الفارينة
2ملعقة كبيرة/ كرام فراش
1م.ك/ خميرة خبز
1م.ك/سكر
½م.ك/ملح
تخلطهم بالمغرفة وتغطيهم وتخليهم يرتاحو 10 دق

•كيف تخمر تزيدها:

نص كاس زيت
زوز كيسلن فارينة أو أكثر حسب نوعسة فارينتك
وتخلط بالمغرفة وتخليها ترتاح

1: •طريقة تفويح الاسكالوب:

تخلط موتارد /خردل
زيت، ملح، فلفل أكحل، كليل، زعتر، كمون
ثوم مهرّس، شوي بصل، فلفل زينة، كركم

تقص الاسكالوب en cube
وتحطهم يتنقعو فالخلوط
تغطيهم وتحطهم فالفريجيدار

كيف يتنقع مليح تخرجو وتطيبو مليح

• ال garnitures

تقص شومبينيون جويد
والطماطم كعب
والفلفل اخضر
والبصل

تقص البطاطا وتقليها

وتعمل اوملات بالمعدنوس او عظم بركا

2: •طريقة التحضير:

تقسم العجينة على اربعة

كل طرف تبسطو كبير شوي
وتحطو عالمقلى تيفال
وتطيبو من جيهة مليح
والجيهة الأخرى نص طياب

كل خبزة تطيبها تنحيها وتغطيها

•الطهو:

تحط الخبزة وتكون الجيهة الطايبة هيا الي بش تحشيها
والجيهة نصف طياب عالمقلى
وتكون على نار هادية

تحط سوص طماطم بالكبار
وسلاطة مشوية حسب الرغبة

تجي على نصف الخبزة تحط
الموتزاريلا مبشورة
عليها الاسكالوب الي طيبتو
عليها الاوملات
تزيد الموتزاريلا
عليها شومبينيون والطماطم والبصل والفلفل
وتزيد الفريت
تحط سلايط الخس
وتعمل الموتزاريلا
وتحط التشادر

وتطوي الخبزة وتغطيها بش الجبن يذوب

ポイント

اذا الفور متاعك يخدم الفوق ولوطا
تنجم تحل العجينة كيف البيتزا
تشوفها بدت تطيب مالوطة تخرجها وتطويها وترجعها للفور

اذا الفور متاعك قوية برشا
تنجم تطيب الخبز عالمقلى